【A&M Diary】去倫敦旅行，又點少得去博物館呢！除咗去文學、歷史、科學等嘅世界級博物館之外，喺倫敦仲有以交通為主題嘅倫敦交通博物館。喺倫敦交通博物館可以睇到極具代表性嘅英國紅色車身巴士、了解世界第一條地鐵線同地鐵列車，以互動遊戲同退役嘅列車作為賣點，每樣展品都充滿價值，係小朋友、巴士迷、鐵路迷必去嘅倫敦景點之一！
倫敦交通博物館 | 簡介
倫敦交通博物館（London Transport Museum）嘅前身可以追溯至1920年代，當年是一個專門收藏倫敦巴士與倫敦電車的展覽館。直至1973年，倫敦交通博物館正式成立，並於1980年搬到嚟柯芬園（Covent Garden），館藏從19世紀的馬車、蒸汽火車到現代地鐵，更能了解倫敦的交通演變。
倫敦交通博物館 | 時光隧道
倫敦交通博物館總共分為三層，由進入博物館開始，就帶我哋穿越時空，踏足工業革命前，了解1800年代嘅倫敦市內主要交通工具：馬車、馬拉巴士等。
倫敦交通博物館 | 第一架地鐵
倫敦大都會線係世界上第一條地下鐵，使用明挖回填嘅方法，喺街道下方建造隧道，以連接帕丁頓（Paddington）、尤斯頓（Euston）和國王十字（King Cross）等主要火車站，而博物館亦展出當年以蒸汽火車頭牽引嘅木製車廂，大家仲可以上車影相打卡架！
