【A&M Diary】我A姐成日都話要留住一個男人，就要先留住佢個胃！M佬成日都話鍾意魚，不過各位姊妹，你都知魚有幾腥幾難handle㗎啦！上星期我終於踏出第一步，整咗嗰豉汁蒸倉魚，見到M佬食到津津有味，係滿足嘅，不過真係可一不可再！既然唔煮魚畀佢食，就出街食啦！今日一於帶M佬去北角金樂軒雞煲魚鍋，食個夠本！
尖椒皮蛋
一開始就嚟個開胃前菜先，皮蛋蛋黃流心，加埋黑醋同尖椒，酸酸地又辣辣地，配合得啱啱好！
麻辣粉皮
鍾意食麻辣嘅朋友都一定要叫，滑嘟嘟嘅粉皮吸晒麻辣汁，一入口舌頭就麻痹，十分惹味。
蒜香椒鹽豬手
豬手新鮮炸起，外脆內軟，我最鍾意豬手入面嘅骨膠原！另外啲椒鹽粒粒真係無得彈，香口到就咁食！
