【A&M Diary】唔知你最鍾意咩顏色呢？紅色唔容易係我身上見到，但我偏偏最鍾意川菜嘅赤紅色，香辣惹味，頓時令我胃口大開。隔咗一段時間，嗰種麻辣癮又返嚟，嚟到油麻地嘅川聚緣，投入川菜嘅紅色麻辣世界。
串燒
前菜小食先由串燒開始，分別叫咗牛肉串燒、羊肉串燒同雞軟骨串燒。調味嘅味粉適中，唔會太多香料而蓋過肉味。而我哋最鍾意就係口感一流嘅雞軟過，非常香口彈牙。
香辣烤海鱸魚
鐘意食魚但又骨？所以店員就推介海鱸魚。海鱸魚先煎香外皮，再放上去爐上炆煮，令香脆嘅魚皮同鮮滑嘅魚肉形成強烈對比。味道方面，海鱸魚越煮越入味，越入味就越辣，非常刺激惹味。配菜方面已經有薯仔片、大豆芽、紅薯粉等，夠晒入味之餘，整體份量十足。
