【Now.com】世界盃F組最後一輪賽事，突尼西亞對荷蘭。突尼西亞在第二輪分組賽慘吞日本四蛋後，提早確定無出線機會。另一邊，荷蘭希望憑今場勝仗鎖定F組首名出線。
「橙衣軍團」打4-3-3，突尼西亞就踢 4-2-3-1，突尼西亞今場後防非常鬆散。開波3分鐘，荷蘭馬倫從右傳給鄧費斯，他隨即將皮球平推入危險地帶，突尼西亞中場沙希利回後防到門口，但「擺烏龍」將傳中波剷入網，朗奴高文領軍的荷蘭先開紀錄1比0！
荷蘭在開波七分鐘將領先優勢擴大至兩球！賴達斯開罰球吊向遠柱，雲迪克頭槌二傳頂前，布洛比近門輕鬆撞入，突尼西亞輸到 0比2。
拎住兩球的荷蘭和無出線希望的突尼西亞之後節奏放慢，完上半場以0比2返入更衣室。
下半場開波，現場天氣轉差，球員要在雨中作賽。52分鐘荷蘭出現黃金機會，加保外檔將皮球傳向遠柱，鄧費斯心口一控，起右腳「窩利」狂抽！皮球直飛死角，但突尼西的沙希利及時趕到擋出射門。
兩分鐘後，突尼西亞追回一球。突尼西亞的美治比開出右路角球斬入禁區，莫斯度尼壓住對手，頭槌頂彈地波左下角入網！荷蘭後衛明顯失職，完全走漏莫斯度尼！突尼西亞追近至 1-2。
到水break前，荷蘭62分鐘攻入第三球，賴達斯開出左路角球斬向前柱，雲希格將皮球「跣」後，突尼西亞又「擺烏龍」，蘇利曼頂入自己龍，直飛右上角入網！荷蘭領先突尼西亞 3比1。
踢完小組賽三場波，荷蘭兩勝一和得7分，以小組首名出線32強。
即睇今場各【入球速遞】
精華⽚段經AI輔助剪輯
