【A&M Diary】其實英國都有唔少台灣餐廳，呢間位於倫敦嘅台灣菜Hoja，出品不錯。
雞肉餃子
Hoja提供套餐選擇，非常抵食！套餐嘅小食就揀咗雞肉餃子，估唔到足足有6隻，但餡料唔算太豐富，所以口感普普通通啦！
鹹酥雞便當
唔係我打錯，佢叫鹹酥雞，唔係鹽酥雞。鹹酥雞雞件份量十足，仲係即叫即炸，雞件帶有鹹香調味，非常開胃。
私房牛肉麵
湯底香濃，味道清香，真係差唔多食晒碗湯呀！
珍珠粉圓仙草凍
套餐嘅甜品揀咗珍珠粉圓仙草凍，仙草甘香，甜度啱啱好，必點呀！
珍珠奶茶
食台灣嘢又點可以無珍珠奶茶呢？珍珠煙韌Q彈，奶味香滑。
