【A&M Diary】大笨鐘、倫敦塔橋、巨石陣絕對係最能代表英國嘅三大著名地標！由倫敦出發，只需要2小時左右就會到達1986年成為世界文化遺產嘅巨石陣（Stonehenge）。由於巨石陣至今仲有好多未解之謎，所以成為倫敦最受歡迎嘅近郊旅程之一。
英國巨石陣攻略：前往方法
1. 火車 + 巴士
由倫敦嘅Waterloo火車站出發，乘坐火車直達Salisbury。喺Salisbury火車站外，就有The Stonehenge Tour bus直達巨石陣遊客中心。
2. Local Tour
火車同巴士嘅班次都唔會太密，除咗自駕遊之外，你仲可以考慮參加Local Tour，除咗去巨石陣之外，仲可以順路玩埋其他景點，如巴斯、溫莎城堡、牛津、拉科克等熱門近郊景點！
英國巨石陣攻略：巨石陣遊客中心
落咗巴士之後，就會去到巨石陣遊客中心，除咗售票處、紀念品店同咖啡室之外，仲有一座博物館。相傳巨石陣建於公元前4000至2000年嘅新石器時代末期至青銅時代，以當時嘅技術係點樣搬運呢啲大石頭嚟到呢片草原？而建造巨石陣嘅原因又係咩呢？雖然直到依家都無一個確實同一致嘅答案，但至少喺博物館可以了解巨石陣嘅故事。
英國巨石陣攻略：巨石陣
