Photo／9NEWS
澳洲發生離奇車禍，73歲女司機將其本田座駕駛入停車場時，因誤將油門當成「逼力」，而令整架車剷上一架平治汽車的擋風玻璃。現場影片在社交平台抖音廣傳，網民紛紛大呼「你點揸的？」
事發在本月13日上午悉尼郊區赫斯特維爾一個商場停車場，據其中一名影片上傳者指，黑色本田先撞向停車場閘口，再鏟上本身泊於車位的白色平治；他又指女司機心急，曾與他爭先入閘。
Photo／9NEWS
事件導致一名50歲男子受輕傷送院，女司機則無大礙，可自行離開車廂。
抖音上至少有兩段現場片段，每段都獲逾8萬讚好。
影片惹網民熱議，由於拍不到事發一刻，大家都好奇本田如何疊上平治，「想睇閉路電視」、「到底點揸架」、「真心唔明個原理」；也有網民笑指該架本田直接將平治當成車位，「嗰度唔泊得車架」、「搵人同佢講下啦，咁泊法都係要畀錢架」；也有人針對女司機年齡，「阿婆就唔好揸車啦」，或謂「Benz車主一定嚇親」。
