話咁快後日就新一年喇！新嘅一年除咗係我哋嘅「新開始」，或者都係浪浪們改寫命運嘅一個機會。嚟緊元旦起一連兩日，香港拯救貓狗協會（HKSCDA）會喺荃灣南豐紗廠舉辦領養日，愛狗人士們可以去探下浪浪們，甚至考慮接埋佢哋返屋企！
今次除咗狗仔之外，亦會有一日特設畀領養貓貓，各位「準主人」可以喺呢個充滿希望嘅節日，去同佢哋互動相處，成功領養嘅話仲可獲贈Snoopy 床仔或者屋仔，同場又可以行下市集，絕對係呢個周末行程不二之選。
領養日主角-貓貓篇
今次領養日總共會有20隻喵星人到場，當中仲有一半係貓B添！
領養日主角-狗狗篇
汪星人都唔輸蝕，領養日會有11隻Puppies到場！
活潑八卦，已經識喺尿布小便
大膽，識定點小便，比較嘈，可以夾其他狗
成日黐住哥哥玩，瞓覺又要挨住哥哥一齊瞓，親人親狗
超懂性乖巧，會讓玩具畀妹妹玩，獨立聰明大哥哥性格
16kg，聰明好動又乖巧，親人
親人親狗，一星期已學識Sit，Hand，定位大小便
識指令坐低畀手Down Stay
可愛小女孩，是一個嗲嗲豬，最愛抱抱
識係尿墊上面小便，比較癡人
十分嗲，鍾意同人玩，可以同其他狗仔夾，識Sit、定點大小便，活潑聰明，易教
「領養不棄養」
如果想養寵物，比起去寵物店買，領養絕對係更好嘅選擇。你可以同狗狗有更多嘅接觸，去狗舍或者領養日同佢哋相處，了解佢哋嘅性格、習慣同故事，再決定接佢哋返屋企，一齊締造更多珍貴嘅回憶，改寫佢哋一生。
