【Now新聞台】乒乓球男單，國家隊的馬龍以4比2擊敗隊友樊振東，為乒乓球隊再添一金。
又一次國家隊內訌，穿黑衫衛冕的馬龍和世界「一哥」樊振東，四強都要苦戰七場晉級，受膝傷困擾的馬龍一開始就想速戰速決，領先過7比0之下，以11比4先贏第一局。
第一次參加奧運，24歲的樊振東在師兄面前都沒有手震，第二局「刁時」贏12比10，總比分追成1比1，但有較多大賽經驗的馬龍之後一直帶着樊振東來打，連贏兩局，11比8和11比9，將比分拉開至3比1，距離金牌只差一局。
樊振東之後改變戰術見到成效，令到馬龍多次失誤之下，贏回一局11比3追近，但馬龍之後很快調整，第六局一出來就搶攻，樊振東受壓之下一直都未能追近，落後至6比10，去到最後一球，樊振東接球落網，馬龍再贏一局11比7，總比分贏4比2，成功衛冕，樊振東就得銀牌，亦是國家隊自2008年北京奧運開始，連續四屆包辦這個項目金銀牌。
