【Now新聞台】歐聯分組賽，兩支英超球隊齊齊贏出。C組的曼城作客大勝馬賽，D組的利物浦則於主場2比0擊敗米迪蘭特，代任中堅法賓奴受傷是最大代價。
歷來歐聯16支新丁首次作客來到英格蘭，當中15隊都是落敗，兼且無一隊勝出。米迪蘭特期望藉助利物浦陣容不整，嘗試打破這個宿命，戴亞早段的埋門差點領先。
去到28分鐘，還見到法賓奴拉傷離場，隨即要由19歲小將韋斯威廉斯入替。以為真的有爆冷機會，但整體實力仍然佔優的紅軍，換邊後10分鐘靠一次精彩組織領先，阿奴交給沙基利再走位接應，底線再交給中路的迪奧高祖達，為利物浦打開紀錄。
補時阿奴另一腳通透妙傳給了後備入替的沙拿，博到對方的保連奴犯規，獲得十二碼。沙拿親自操刀射入，利物浦贏2比0，分組賽兩連勝。
C組阿古路缺陣的曼城作客馬賽，18分鐘就由費蘭托利斯近門射入領先半場。
霍頓於換邊後大腳傳尾柱，史端寧頭槌回中路，後上的根度簡及時接應，曼城76分鐘領先到2比0；加上迪布尼送出他今場第二個助攻，史端寧近門送入，曼城贏馬賽3比0，兩連勝於C組領先。
