【Now新聞台】西班牙甲組足球聯賽，巴塞羅那作客貝迪斯兩度落後下，反勝3比2。
開賽不夠4分鐘，巴塞輸十二碼，球證要求VAR協助，證實法基亞起腳，朗格利用手擋，十二碼點走不掉。
簡拿利斯協助主場的貝迪斯領先，巴塞追平的一球，法基迪莊的功勞不少，交了給美斯之後，見到對方防守有漏洞再入楔，接應美斯恰到好處的高球，一控一抽9分鐘替巴塞追平。
他們剛剛在西班牙盃八強，不敵畢爾包出局。
在蘇亞雷斯及奧士文丹比利養傷，碧基又缺陣，巴塞26分鐘又落後。
法基亞推順後射過達史迪根，但貝迪斯未能帶住2比1優勢入更衣室。
美斯半場補時的罰球，巴斯基斯把握到，巴塞半場追成2比2。
有報道指巴塞內部出現矛盾，體育總監艾比度及美斯爆罵戰。
美斯要爆發是要靠助攻。72分鐘再開出罰球，朗格利跳頂入網反先3比2，三個入球都是美斯做助攻，有誰說他未盡全力。
之後出現兩面紅牌，都是來自入球球員，貝迪斯有法基亞，巴塞就有朗格利。巴塞最終險勝3比2排第二位，落後榜首的皇馬3分。
銀河艦隊作客奧沙辛拿，同樣有五個入球，雖然主隊憑住安拿爾加西亞的入球14分鐘領先，但之後連失四球。
巴爾被截，還有伊斯高「窩利」建功，皇馬33分鐘追平。
5分鐘後一次角球攻勢，卡斯美路頂去龍門口，有沙治奧拉莫斯頂入超前一球。
皇馬末段做了三個調動，其中兩個成功入球，先是盧卡斯華斯基斯。多謝賓施馬的信任，補時再有約域無人看管大腳抽入，皇馬大勝4比1取得五連勝。
