【Now新聞台】英格蘭超級足球聯賽，利物浦在主場末段踢少一個之下，以2比1險勝白禮頓；利物浦的榜首優勢拉開到11分。
阿歷山大阿奴罰球開入禁區，雲迪克跳頂入網，開賽18分鐘攻破白禮頓的大門。
英超差不多踢了一半，利物浦表現可以說是一枝獨秀。
處理完死球，阿奴今次開角球，又有雲迪克做「飛將軍」，24分鐘入第二球；白禮頓又走掉這位荷蘭中堅。
原本紅軍形勢大好，但下半場門將的表現令形勢出現變化，面對後備入替的托沙單刀，阿里遜出到禁區外竟然用手撲，被球證直接紅牌趕出場。
紅軍76分鐘得十人應戰，形勢變得峰迴路轉，高普收起張伯倫，換入後備門將阿祖安卡斯迪路，但他一落場就失球。登克罰球射穿人牆入網，79分鐘白禮頓追近一點。
阿祖安卡斯迪路未入局，只顧排人牆，連球證「吹雞」都無為意，慶幸他之後打醒十二分精神，利物浦得以險勝2比1，取得五連勝兼有11分優勢。
熱刺迎戰般尼茅夫，孫興敏走位接應長傳，禁區交給阿里第一時間射入，21分鐘領先。
領隊摩連奴來到，阿里亦越踢越生。換邊後一次「照板煮碗」的進攻，艾達維特的長傳，接應的阿里擺脫兩個，再射過門將，50分鐘熱刺領先兩球，阿里三場入第三球。
69分鐘熱刺一次反擊，又有收穫，孫興敏交給無人看管的梅沙施素高攻入成3比0。熱刺所有賽事三場入了十球，但真正考驗與接着的賽程一樣還未到，哈利威爾遜73分鐘射入罰球，替般尼茅夫破蛋。
這位後備入替的22歲威爾士翼鋒，補時再入一球，熱刺僅勝3比2，摩連奴上任後取得三連勝。
