【Now新聞台】根據日本政府觀光局嘅數據顯示，去年訪日旅客人次最高嘅四個國家或地區，依次為中國內地、南韓、合灣同香港，當中香港訪日人數達223萬人次。
雖然香港去年訪日人次只係排第四，但以人口比例計，訪日旅客人次佔人口約30%，大幅拋離其他地方。而且有近10%受訪香港旅客話，已經去過日本20次或以上，連喺日本旁邊嘅南韓旅客都冇咁高。即使係去過日本10次以上嘅，都係香港人比例最高，頻密程度真係幾似探親。
此外，香港人仲有樣嘢好勁，就係計劃行程計劃得特別早，有6%受訪港人話，早於出發去日本前七個月甚至更早，就已經買機票訂酒店，比例遠高於其他幾個地方......
