【Now新聞台】英格蘭超級聯賽，曼聯主場2比1擊敗利物浦。
前線的盧卡古墮後頭槌。自去年聖誕賽期之後無再於聯賽擔任正選的華舒福，，射出第今場第一腳就有收穫。
14分鐘領先的曼聯，今場兩個入球盧卡古都有功勞，壓贏路夫蘭傳給馬達刪到差不多同一位置，華舒福又有入球，24分鐘曼聯兩球優勢。
全場最大爭議，是華蘭西亞禁區內手球，球證並無吹罰。
錯失十二碼的利物浦靠拜利於66分鐘「擺烏龍」追近，但曼聯都保住2比1勝局，取得三連勝。
車路士於主場跟水晶宮上演倫敦打比，由韋利安射中人再中門柱彈入，25分鐘領先。
全場多達27次埋門，但車路士擴大優勢，要靠對方馬田基利「擺烏龍」，解圍射中軒尼斯彈回自己，皮球最終入網，半場車路士領先2比0。
雙方換邊後各有一次埋門中柱，先是水晶宮的梳洛夫，再來車路士的基奧特，同樣射中門柱未能拉開。
尾段水晶宮靠反擊追回一球，車路士走漏後上的雲安賀治，射穿古圖奧斯「大細」，最終車路士都贏2比1。
由他們外借到紐卡素的堅尼地則於另一場協助球隊大勝。
先是一次精彩的個人表演，開賽只是1分鐘多一點為紐卡素先開紀錄；再來另一次反擊機會，接應不貪功的韋特基爾堅尼地入他今場第二球，29分鐘為球隊擴大領先，加上列治於換邊後的入球，紐卡素大勝修咸頓3比0，暫時遠離降班區域。
