【Now新聞台】西班牙甲組足球聯賽，皇家馬德里作客4比1擊敗華倫西亞。
作客的皇家馬德里今場陣容完整，正選名單有巴爾、賓斯馬和博到十二碼的C朗拿度親自操刀射入，16分鐘為皇馬領先1比0。
犯規輸十二碼的蒙度亞之後又於禁區內侵犯賓斯馬，銀河艦隊再一次獲得十二碼，亦再一次由C朗操刀，今次射另一邊一樣入網，半場拉開到2比0優勢。
華倫西亞於換邊之後才由美拿接應角球頂入，追近1比2，但未能於藉主場優勢追平，馬些路跟阿辛斯奧來個撞牆，再射穿門將尼圖「大細」，84分鐘皇馬領先到3比1。
加上郤奧斯於89分鐘射入的這一球，皇家馬德里大勝4比1，目前落後第三位華倫西亞兩分，排第四位但踢少一場。
維拉利爾則於主場擊敗皇家蘇斯達，靠域陀路爾斯的頭槌5分鐘領先。初段皇家蘇斯達踢得患得患失，如此回傳給門將東奴，解圍被巴卡截到，傳給科拿斯射入，17分鐘維拉利爾拉開紀錄。
短短三分鐘後，維拉利爾再擴大優勢，安尼斯烏拿送出妙傳，停賽復出的巴卡推過東奴再將皮球送入網，令維拉利爾領先到3比0。
輸到三球的皇家蘇斯達由迪亞高路蘭迪接應傳中頂入，24分鐘追近1比3。但半場未能再追近，還被卡斯迪耶荷表演精湛射術，34分鐘為維拉利爾領先到4比1。
全場24次埋門，是維拉利爾兩倍以上，但皇家蘇斯達都只靠韋利安祖斯換邊後的入球再追近，最終維拉利爾保住勝局，主場贏4比2，連同盃賽在內取得四連勝。
