【Now新聞台】英格蘭超級聯賽，主場的阿仙奴落後兩球之下，一度反超前，最終跟利物浦踢成3比3。
先開紀錄這球有點運氣成分，沙拿短傳怎料彈高，古天奴剛剛趕到，頭槌「笠死」施治，26分鐘利物浦領先1比0。
阿仙奴的高斯尼成功拖慢沙拿推進，但間接造就古天奴入球。再來又是高斯尼今次解圍失誤，沙拿面對施治起腳刪到，沙迪奧文尼倒掛高出，印象分贏盡。
但半場利物浦都只是一球領先，要到換邊後才將紀錄拉開，今次輪到沙拿，又要感謝阿仙奴今次射中梅斯達菲改變方向，令施治再度失守，52分鐘利物浦拉開優勢。
但阿仙奴於接下來6分鐘內連追三球，先是山齊士接應傳中頂入，53分鐘追近1比2。
再來是加列沙卡的遠射，明明無角度，偏偏見到米奴列不知何故單手將球拍入龍門，56分鐘阿仙奴追平比數。
再來是中場的奧斯爾傳給拉卡錫迪再走位接應，米奴列再度失守，58分鐘阿仙奴反超前3比2。
但他們都未能夠全取三分，後防走漏費明奴起腳，門將施治拍到但皮球最終入網，71分鐘為利物浦追成3比3，跟阿仙奴各得一分。
