【財經TOP SEARCH】生科股第4季可爆贏AI股？

抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。

【Now新聞台】截至早上11時止，過去1小時內《彭博》搜尋量最多港股，依次為金斯瑞生物科技、藥明生物、英矽智能、新世界發展、石藥集團。

醫藥及生物科技股今日(30日)強勢，生物科技指數及醫療保健指數分別升逾3%，明顯跑贏大市，10月將會舉行「歐洲腫瘤內科學會大會」，其中，莫德納(Moderna)與默沙東(Merck Sharp & Dohme)聯合開發嘅個體化mRNA新抗原療法3項摘要獲接納，消息可唔可以成為行業催化劑？

資深證券分析師彭偉新指，近月資金持續湧入生科板塊，主要係因多家藥企成功將新藥授權海外藥厰或簽訂合作協議，成為支撐臨床第3期龐大研發開支嘅資金來源，待商業化後更可享有海外銷售分成，相信現階段板塊只係升勢嘅起步點，睇好第4季生科股有機會跑贏AI相關股。

Castor又話，mRNA同AIDD已經唔係單純炒作概念，而係可落實嘅技術突破，如果企業有做相關技術，當然可以吸引更多資金追入，mRNA喺腫瘤病症應用層面好大，未來市場具爆發性增長潛力，而AIDD就可以大幅壓縮新藥設計時間，並提升研發成功率，加快變現盈利機會，估計資金流入趨勢短期都唔會變。