【A&M Diary】講到泰國菜，又點少得咖喱呢！位於荃灣嘅泰山越泰菜，顧名思義係一間主打暹羅同安南風味嘅餐廳，但大廚特意將傳統嘅味道加入創意，喺地道嘅咖喱加入濃郁鮮香嘅蝦頭油，令味道更為濃郁，呈現更細緻嘅東南亞味道。除咗昇華嘅味道，泰山越泰菜嘅裝飾同樣花心思，餐廳掛上五顏六色燈籠同七彩繽紛嘅天花雨傘，極具氣氛。
泰山越泰菜：泰式小食拼盤
食泰國菜有點少得拼盤呢！小食拼盤有齊豬頸肉、蝦餅、魚餅，全部都係泰山越泰菜嘅小食代表。豬頸肉燒得乾身，入口焦脆但肉質保持軟腍，唔會鞋口；蝦餅炸得脆卜卜，蝦肉比例高，所以口感非常彈牙，點埋泰式甜酸醬就夠曬滋味；魚餅同樣即叫即炸，魚肉味香濃，口感同樣彈牙，建議配搭泰式酸辣汁，味道更為清新。
泰式小食拼盤
泰式小食拼盤
泰山越泰菜：薯仔蜜椒火炎牛柳
以石窩上枱，令食物保持溫度之餘，仲加添一份焦香嘅味道。打開窩蓋，隨即見到三色椒，令整道餸菜嘅擺盤更添色彩。至於牛柳粒非常入味，泰山越泰菜嘅火喉控制得啱啱好，肉質鮮嫩；而掛滿醬汁嘅薯仔，就夠曬惹味！
薯仔蜜椒火炎牛柳
