抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》搜尋量最多港股，依次為港鐵公司、中國移動、蜜雪集團、國泰航空及威勝控股。
市傳港鐵委託多家銀行發行港元綠色債券，年期5年、10年及30年期，可能今日(21日)會定價。此外，港鐵錦上路站第2期項目昨日(20日)截標，合共收到8份標書，當中包括唔少大型發展商，點睇港鐵今次發港元綠債？
富途證券首席分析師譚智樂指，港鐵呢幾年都出現好大變化，由地產市場唔好開始，集中發展北部都會區令資金承受唔少壓力，而集團定位亦唔同咗，不論發債、債務狀況都有改變，普遍市場認為，港鐵最大風險係負債水平相對偏高。
Arnold又話，但以現時嘅環境去評估，依家發債反而對公司有利，一方面受惠於美國減息，財務壓力細咗，另一方面，唔少數據都反映地產市場逐漸回暖，一啲港鐵上蓋項目招標反應理想，對現金流有顯著幫助。
股價方面，Arnold就話，雖然港鐵近期跟隨大市向下，但睇返今年走勢，股價暫時累升近17%，大幅跑贏大市，加上股息率仍有一定吸引力，短線有條件繼續睇好。
