【財經TOP SEARCH】點解MiniMax吸引到基金、大戶搶貨？

抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。

【Now新聞台】截至早上11時止，1小時内《彭博》用戶搜尋量最多港股，依次為稀宇科技(MiniMax)、濰柴動力、恒生銀行、長和及中國石油化工股份。

今日(9日)有3隻新股首掛，內地「AI六小虎」之一嘅MiniMax搶盡風頭，半日收市升幅跑贏另外兩隻新股外，更打入10大成交榜，MiniMax一上市市值就衝上800億元，係咪真係物有所值？點睇咁高嘅估值？

大華繼顯執行董事梁偉源表示，踏入2026年，新股市場氣氛顯著回暖，多隻新股上市都有資金追捧，佢認為，今年市場焦點會繼續落喺人工智能(AI)相關板塊，MiniMax就食正呢個熱潮，帶動股價升得咁靚，MiniMax除咗有核心AI模型外，集團影片生成技術亦大受年輕人歡迎，有一定增長潛力。

Steven又話，MiniMax招股時已有大型傳統主權基金認購，喺昨日(8日)暗盤交易時段，亦見到唔少大型機構性投資者積極吸納，反映市場對MiniMax興趣非常大。