【財經TOP SEARCH】泡泡瑪特已「跌落神壇」勿亂撈？

抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。

【Now新聞台】截至早上11時止，1小時內《彭博》用戶搜尋量最多港股，依次為泡泡瑪特、信達生物、中國平安、萬科企業及建設銀行。

泡泡瑪特今日(8日)沽壓沉重，早前有券商出報告唱淡公司，投資者似乎又借勢沽貨。德銀指，8月以來熱潮帶起嘅市場溢價已經消退，其中，Labubu隱藏版溢價大幅縮水50%，《THE MONSTER》系列有部分公仔二手價更跌穿官方零售價，係咪出現IP疲勞？股價守唔守得住200元？

富昌證券聯席董事譚朗蔚指，泡泡瑪特8月時喺季績理想，以及管理層對未來銷售展望樂觀，同埋宣布推出mini Labubu下，引爆一輪升浪，不過，由於市場普遍已對泡泡瑪業績錄得高增長見慣不怪，唔會再覺得有驚喜，加上資金唔再偏好呢類新消費股，股價表現明顯不及之前強勢，雖然上周一度反彈，但227元水平係重倉阻力，股份10月開始轉弱，依家只係延續跌勢，暫時仍未到撈底時機。