抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】中金公司表示，海灣國家對內地科技企業發展感興趣，集團近月在迪拜設立分公司，期望發揮戰略性橋樑作用。
中金公司董事總經理陳永興說:「我哋希望聯繫、聯通、聯動，即係先將兩邊，無論中國企業、中國資金同海灣國家資金及企業，通過中金公司嘅橋樑兩邊聯通。」
中國最大投資銀行之一中金，今年5月在阿聯酋迪拜設立首個中東據點，為國際化戰略布局踏出重要一步。
陳永興接受本台專訪時指，集團兩年前已開始部署以迪拜為中心點，輻射整個海灣地區，曾協助香港上市軟件公司引入卡塔爾投資局(QIA)，並協助企業參與沙特阿美(Saudi Aramco)老舊股減持。
陳永興說:「如果大家講到中東或海灣國家，第一個感覺就係『佢哋好有錢』，佢哋要咩呢？就係希望唔好純粹繼續倚賴傳統石油工業，因為過去都係以石油工業，作為佢哋最大嘅國家支柱，佢哋要分散，希望分散喺咩甚麼地方？例如新科技、新能源。」
他又稱，海灣地區客戶亦對醫藥等新產業需求迫切，而中國在這些領域都有優勢，並有完備的產業鏈。
陳永興說:「甚至乎更近期啲，例如我哋成日講嘅『杭州六小龍』，呢啲新科技、新公司，只要我哋同海灣地區國家提起時，佢哋都感到好大興趣，因為呢啲工業、呢啲企業、科技喺當地都係鳳毛麟角，或者好難搵到。」
中金指出，迪拜國際金融中心分公司，將成為連接中國與海灣地區的雙向投資銀行樞紐及戰略性橋樑，協助客戶在中國拓展業務。
