為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now新聞台】新一批銀色債券今日(15日)起接受認購，有分析認為，雖然銀行近日加定期存款息「搶錢」，但由於息口短期持續向下，因此，銀債仍是不錯的資金配置選擇。
美國聯儲局本周減息幾乎已沒有懸念，即日起接受認購的新一批銀債，保底息率高達3.85厘，而銀行近日亦趁機加定存息掀搶客戰。
以本港幾家大型銀行為例，本金10萬元以上，存款期6個月計，現時息率介乎2.5厘至2.75厘，個別更達4厘。
有資深銀行家認為，跟定存相比，銀債仍是不錯的收息選擇。
鴻鵠資產管理行政總及首席投資總監陸庭龍說:「對比香港嘅通脹1.5%，其實你都有個正回報，因為佢係高過通脹，不過掉返轉，如果呢一刻認購銀債，鎖定票面息率喺3.85厘至4厘之間，即係高過定期存款差唔多接近1.25至1.5厘水平，其實係一個幾理想嘅回報。」
他續指，美國啟動減息周期，短期而言，息率肯定向下，但長線來說，不排除美國會增加發債解決財赤問題，屆時將令債息向上，變相削弱銀債吸引力，不過，現階段仍是認購銀債的合適時機。
陸庭龍說:「依家發行嘅銀債都係3年期，如果未來1年至1年半，或者2年之內，都係處於一個息率比較穩定或向下嘅時候，依家早啲鎖定投資收益，基本上已去咗三分之二嘅時間，剩低嗰三分之一，如果佢真係向上，其實短息同長息始終都有一個差距，就係短息會平啲，長息會貴啲，所以機會成本唔係好大。」
資金配置方面，有專家建議可以用30%資金投資港元債券，包括加入銀債。
臻享顧問董事總經理王良享說:「如果喺依家嘅經濟狀況，如果60歲以上，都係退休人士，保持返60%債券，同埋流通性高嘅存款等，40%可能用嚟買股票或指數基金等，60%裡面有啲可能係債券基金，又可能係美元債券，亦都可以係港元債券。」
他又指，根據過往經驗，銀債獲分配比例不多，若投資者希望在投資組合中加入銀債，建議動用20萬至30萬元資金認購，最符合效益。
