抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶搜尋量最多港股，依次為美團、安踏體育、中芯國際、康方生物及敏實集團。
安踏昨日(27日)出咗業績，冇為市場帶嚟驚喜之餘，上半年毛利率更要跌，股價今日(28日)受壓，一度重挫逾7%，低見94元。安踏宣布同南韓時尚電商平台MUSINSA成立合資公司，主攻年輕消費者，今次合作對安踏盈利、收入，甚至股價有幾大利好作用？
香港股票分析師協會副主席曾永堅指，近年安踏由主攻運動服飾擴展至休閒服飾，今次同南韓潮牌合作具會有協同效益，韓系時尚服飾除咗喺內地、港澳進一步擴展外，更可以透過多品牌策略「出海」。
睇返安踏上半年業績，Jaseper話，雖然收益及盈利符合預期，但毛利率收縮，拖累股價今日大跌，當業績畀唔到好大驚喜市場，股價就會出現獲利回套壓力，安踏股價已經喺88元至89元徘徊咗一段時間，消化完呢浸炒業績嘅沽盤後，投資者可以留意20天線或94元水平，如果守得住，市場有機會將估值推高至合理水平。
