抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶搜尋量最多港股，依次為李寧、中芯國際、華虹半導體、快手及安踏體育。
李寧昨日(21日)收市後出咗中期業績，收入按年增長3%，純利按年跌11%至17.37億人仔，毛利率微跌至50%，存貨周轉期減至61日。摩根士丹利指，李寧業務狀況良好，李寧股價今早(22日)向上，一度迫近20元關口，大升9%，高見19.75元，升上10個月高位，仲突破3月出業績前高位，似乎市場對公司前景樂觀？
大華繼顯執行董事梁偉源指，李寧過去嘅每月銷售數據都唔太理想，所以市場對業績冇太大期望，但最終表現比預期好，就刺激股價大升。
佢又指，但整個體育用品股板塊喺恒指早前升穿25000關時，未有跟升，直至約兩周前先有資金追落後，不過，內地對呢類體育用品需求唔大，只能靠政策谷銷量，如果冇政策幫手，公司估值亦唔吸引，估計呢輪升浪過後，股價好難再上。
