抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】雖然監管機構表明穩定幣(Stablecoin)發牌初期，只會發出少量牌照及做好監管，不過，有學者憂慮，一旦穩定幣發行量太大，或會衍生監管挑戰。
穩定幣可以將實體貨幣的價值帶到區塊鏈上，換言之，每次發行穩定幣，現實世界的貨幣亦會相應減少。
有學者擔心，若穩定幣發行量太大，或會衍生不同的監管挑戰。
科大商學院署理院長許佳龍說:「如果市場對港元嘅需求係好大，金融管理局隨時可以決定點樣調整港幣流通量，但如果我哋將另外一批港幣，掛咗上去區塊鏈上面做穩定幣，而喺區塊鏈上面嘅需求又好大，咁問題就嚟喇，到底嗰陣時我哋們會容許喺區塊鏈上面嘅穩定幣升值？但其實大家諗返，升值又唔係好合理，係咪又容許呢啲發行商無限量地繼續鑄造穩定幣？」
他又認為，穩定幣本身的去中心化性質，或會跟中心化的監管方式存在矛盾。
許佳龍說:「依家喺虛擬貨幣世界入面，有一批用戶本身就係唔參呢啲監管，問題係你係咪真係可以有效率地，將呢班用戶帶返入去穩定幣世界，令到佢哋符合我哋對於KYC(認識你客戶)及AML(反洗錢)呢類要求，又同一時間可以令市場有足夠大嘅一個吸引力，去比佢哋入嚟。」
此外，有分析認為，現時的發牌制度已具有相應監管。
德勤香港數字資產主管合伙人呂志宏說:「其實大家個體制都有一定程度嘅AML procedure(反洗錢程序)，一啲requirement，我哋要去遵守，我相信有呢套系統已經可以保障到一定程度，因為我哋一路成日講嘅監管，我們一定要同發展攞到一個平衡。」
金管局指出，將會要求發行人須在港有實體公司，高質素及高流動性的全額儲備，並要有相應打擊洗錢及恐怖分子資金籌集的措施，期望起步階段先嚴格監管，運作穩定後，再適度放寬。
