抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，過去1小時內《彭博》用戶搜尋量最多港股，依次為石藥集團、比亞迪股份、新世界發展、聯想集團及康師傅控股。
藥股龍頭石藥昨日(29日)出咗業績，雖然收入及純利都差過預期，但股價今日(30日)照升，一度炒高逾12%，高見8.56元，可能同市場一個憧憬有關，石藥指，現時同第三方傾緊3款創新抗體偶聯(ADC)藥物嘅授權協議，涉及50億美元收入，呢個憧憬係咪好大？
大華繼顯執行董事梁偉源指，過去幾年，內地藥業喺政府集中採購及醫保價格影響下，令藥價大跌逾70%至80%，雖然中標後產量回升，但都無可避免打擊藥企收入，令藥廠經營十分困難。
Steven又指，3款創新ADC藥物授權帶嚟50億美元收入，呢個的確係一個重大利好消息，石藥一直主力發展創新藥，佢估計，今次磋商嘅授權協議好大機會成事，令市場睇好公司前景，但值得留意係，授權費要分階段收取，所以短期唔會帶嚟盈利貢獻。
