抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】港交所行政總裁陳翊庭接受本台專訪時指，不少中概股表明有興趣來港上市，她又透露，月中將會再出訪中東，期望有好消息分享。
中美貿易戰僵持不下，除短期令金融市場波動外，招股活動難免受到影響，但亦有可能帶來機遇。
陳翊庭接受本台專訪時透露，有中概股向她表明有意回流。
陳翊庭說:「最近我個人都同好多呢啲企業見過面，佢哋都表達咗非常有興趣探討喺香港做多一個上市。過去兩、三年見到一啲案例，佢哋(中概股)回流之後，納入港股通之後，真係對佢成間公司嘅交易額有一個好大嘅提升，我接觸過嘅企業都同我講，佢哋係睇得到呢個吸引力所在。」
她又稱，已遞表排隊上市的企業已增至逾150家，除市值逾萬億元的寧德時代，亦有數家規模逾千億元。
對於首季新股市場排名仍未能重返三甲，陳翊庭認為，衡量集資平台深度時，亦要重視協助企業再融資能力。
陳翊庭說:「今年截至目前為止，其實我哋已經做咗220億美元，IPO(首次公開招股)加埋增發，依家喺全球排名已經係第2，僅次於美國市場。」
一直有指中東企業十分有興趣來港上市，但遲遲未成事，當中是否遇到一些障礙？
陳翊庭說:「我諗冇乜話咩特別障礙，但當然好事多磨，始終都要熱下身，因為始終兩個市場，以前冇喺對方市場上市嘅經驗，但我哋已經做咗好多前期工夫，我好快又會去中東，應該係5月中，我哋繼續努力啦，一旦有新股上市消息，一定第一時間同大家分享。」
她續指，港交所月底將再跟沙特證交所合辦資本市場論壇，期間港交所亦會安排多場單對單會議，撮合企業及投資者。
面對市況波動，陳翊庭表示，港交所首要維持市場穩定，未來會繼續投放資源提升系統，期望各地企業及投資者看到港交所應對波動的能力。
