為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now新聞台】外賣平台「戶戶送」(Deliveroo)宣布結束香港業務，平台將會運作至4月7日，並向foodpanda出售部分資產，Deliveroo付費會員可獲得foodpanda半年免費會籍。
市民用電話叫外賣將會少一個選擇。
外賣平台Deliveroo即將撤出香港市場，用戶可以繼續使用平台叫外賣，直至4月7日。此外，Deliveroo會將部分資產售予foodpanda，Deliveroo付費會員可以轉會至foodpanda，免費用6個月。
市民林小姐說:「唔係好影響我，因為我唔多用，同埋住喺屯門比較偏僻啲嘅地方，其實都唔係好多選擇，如果用Deliveroo嘅話，遇過一啲運費超過30蚊，30幾40蚊，太貴喇，都唔會嗌。」
市民阿榮說:「冇感覺喎，好貴囉，(貴喺邊度？)貴喺運費，或者啲食物都比較貴，所以少用。」
有市民表示，不擔心少了競爭會令其他平台加價。
市民劉先生說:「都係市場淘汰，如果佢貴我都唔會用，如果我方便都係自己落街買。」
Deliveroo表示，董事局認為繼續在港營運並不符合股東最大利益，香港市場去年佔集團全球總交易額5%，不過，對國際市場(英國及愛爾蘭外)的總交易額有5個百分點的負面影響，已提名清盤人管理結束香港業務及剩餘資產。
有飲食業代表指出，Deliveroo撤出香港後，可以合作的平台少了，擔心會增加成本。
立法會議員(飲食界)張宇人說:「飲食業如果要靠呢啲外賣平台，依家又少1個，會唔會剩返嘅平台因為少咗競爭對手收多啲錢，呢個我必然覺得要擔心。飲食業都要諗一諗，會唔會喺外賣嘅人客自己嚟攞時，可以畀多少少優惠鼓勵人客自己嚟攞，唔好靠呢啲服務，呢個要業界自己再去諗下。」
foodpanda則表示，Deliveroo現有客戶及送遞員會獲安排轉到foodpanda平台，而部分餐廳及商戶亦將會進駐。
