抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】中美貿易戰開打，廠商會預期，雙方訂單將進一步減少，未來需再變陣應對。付貨人委員會則表示，部分港商為免麻煩，已決定放棄美國市場。
中美再度互徵關稅，香港產品亦無可避免受到影響，香港付貨人委員會表示，相信美國總統特朗普(Donald Trump)重返白宮後，美國針對中國產品的限制只會變本加厲，中小企首當其衝。
香港付貨人委員會主席林宣武說:「當好不幸有一個政治掛帥，有個『金剛箍』」箍住個頭，你做嘢必定要左望右望，你知美國對新疆棉花有好大意見，點證明你棉造嗰件T恤、冷衫或牛仔褲，唔係用新疆棉呢？佢(美國)可以要求你提交好多文件，你交少了1張文件，可能成批貨就畀海關扣留最少3、4個月，不單止時間冇咗，你可能miss咗個零售時間，要搵律師解決問題，成本係『一闊四大』。我知道有朋友決定放棄美國市場，因為真係太煩，寧願集中攻東南亞、澳洲及新西蘭市場。」
廠商會則指出，中美自2018年爆發貿易戰後，部分會員都已轉移陣地至東南亞等地設廠，不過，現時會員有約一半生意仍跟美國有關，或者要再想方法減少對美國的依賴。
廠商會會長盧金榮說:「大部分做美國生意嘅，入口商早已要求我哋要有第2個供應鏈嘅地方，(美國)對一些逆差嘅國家佢對可能加關稅，首先咁樣會影響整個供應鏈，其次係向呢啲國家加關稅，其他國家都會有啲反制措施，例如提高關稅，一來一往變相令消費產品通脹，會令訂單數目減少，對我哋出口都會有影響。」
他又稱，在通脹壓力下，預期美國息口將持續高企，加重營商融資成本，多個廠家正研究發展中國內銷市場，減少關稅的影響。
