抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶搜尋量最多港股，依次為中芯國際、中遠海控、融創中國、中國移動及阿里健康。
晶片股今日(4日)集體爆上，昨晚(3日)傳嚟英偉達(Nvidia)新一代旗艦人工智能(AI)晶片Blackwell投產消息，加上美國高純度石英供應受颱風影響，刺激晶片股炒上。美國東南部高純度石英礦場已停運1周，當地兩個礦場佔全球供應80%至90%，全球多家晶片公司都關注石英供應問題，天氣因素影響有幾大？此外，近期傳出中芯突破美國禁令，有望實現7納米晶片技術，中資晶片股係咪有望追落後？
大華繼顯執行董事梁偉源指，天氣因素只會對石英供應造成短暫影響，所以唔會對晶片製造商造成好大影響，價格之後亦可望回穩。
Steven又話，過去有唔少半導體相關消息困擾中芯發展，雖然有政府資金支持，但亦要有設備配合，技術上先可能追上國際水平，但呢個絕對唔容易。不過，一傳出技術突破消息，資金就會不斷湧入，但必須留意呢類消息嘅真確性，始終技術水平會直接影響成本及生產質素等。
