【Now新聞台】截至早上11時止，1小時內《彭博》用戶關注度上升最多港股，依次為新世界發展、萬科企業、農夫山泉、農業銀行、紫金礦業。
新世界上周五(8月30日)發盈警，預告全年最多蝕200億元。此外，集團創辦人鄭裕彤家族嘅私人投資旗艦周大福企業出現人事變動，鄭家純幼子鄭志亮將出任聯席行政總裁。新世界股價今朝(2日)一度大跌14%，失守7元。高盛指，新世界淨負債比率較上半年上升1.5個百分點至78.4%，今次發盈警或令下半財年減少派息，甚至暫停派息，點睇新世界前景？
富昌證券聯席董事譚朗蔚指，新世界債務較其他同業高，預告全年最多蝕200億元的確令市場嚇一跳，有指今次盈警係受估值重估影響，不過，投資者要繼續關注集團發盈警後，可能被銀行Call Loan、削弱融資能力等問題，但減派息都係市場預期之內。
佢又話，新世界依家首要係搞掂盤數，尤其現時市道唔好，即使出售資產亦未必賣到好價錢，由於整個地產行業未有明顯好轉跡象，現階段博新世界反彈仍言之尚早。
