為達至最佳瀏覽效果,請更新至最新的瀏覽器版本。
如有問題,歡迎電郵至 pccwmediaiapps@pccw.com 查詢。
![【但唔會太「鬆手」?】傳銀行樓按「重開綠燈」舊樓都批到](https://images-news.now.com/newsimage/NewsImage/FIN-HK-MORTGAGE-SOT-240823-1000.jpg)
【Now新聞台】有議員曾向金融管理局反映按揭問題令樓市一潭死水,最近有消息指,個別銀行已重新為樓按申請「開綠燈」。
據地產代理1項數據顯示,上半年新盤撻訂個案急升,過去兩季已錄得逾300宗,較去年高出18%。
新盤撻訂其中1個主因是樓價下跌,導致銀行估價不足阻礙「上會」,或申請按揭貸款時間不足等。
早前,不時聽到銀行對樓按貸款設限,拒絕有一定樓齡的二手物業、村屋等「上會」,亦有傳停接內地人申請,甚至銀行樓按審批設有配額,尤其是今年首兩季,準業主可能要「排隊」等3至5個月,導致成交延誤。
不過,有銀行界消息人士透露,有發鈔行近日收到「上頭」通知,可以為已停辦的按揭申請重新「開綠燈」。
有按揭顧問表示,不少已處理多時的申請近期開始陸續獲批。
經絡按揭轉介首席副總裁曹德明說:「以往利率可能佢哋(銀行)無特別批到,可能要拖好耐才批,但近期有啲樓齡較舊都批到出嚟,利息可能係P減1厘或P減0.75厘,第2季(銀行)就可能睇得緊啲,近期同銀行界傾開,加上可能市場又關注,銀行方面又正常返,又做返按揭。」
有調查顯示,年初至今現樓按揭登記減少37%至2.9萬宗,創2005年以來同期新低。
中原指出,個別銀行承造按揭仍相對保守。
中原地產研究部高級聯席董事楊明儀說:「如果樓市氣氛有返沉底呢個訊息,樓價企穩咗,反而好過迫銀行(做按揭),好似之前樓市升得很急,其實銀行都冇Call Loan或者做唔到按揭嘅問題,現在嘅情況都要保障自己,避免有太多不良貸款喺手上。」
金管局回覆本台查詢時指出,銀行審批按揭時會考慮客戶還款能力,以及住宅狀況等一籃子因素,並指今年2月時調整物業按揭貸款逆周期審慎監管措施是一次重大修訂,令絕大部分物業最高按揭成數回復至70%水平,今年6月亦擴大措施涵蓋範圍。
不過,金管局未有回應會否進一步放寬樓按申請條件,僅稱會繼續監察銀行按揭業務情況。