抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為中金公司、碧桂園、吉利汽車、中國海洋石油、美高梅中國。
A股今日假後復市，券商股普遍靠穩，不過，市傳中金部分高級銀行家或要降職減人工，更有員工可能失去董事總經理嘅頭銜兼降級，早前已有傳佢地投行員工要減薪25%，依家又傳出連職銜都要降，係咪反映生意仍然難做，前景唔樂觀？
富昌證券聯席董事譚朗蔚指，降職或減人工意味行業中長線發展仍未完全樂觀，雖然中資券商上周有炒作，但長遠而言，券商發展始終要睇市況，雖然成交回升，但唔足以支持各項開支，始終本港及內地IPO市場未真正回暖，股估唔算理想，集資亦唔容易，直接影響中金或中信証券等，因此，中金嘅中長線發展暫時唔可以睇得太樂觀。
