抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上10時45分止，1小時內《彭博》用戶關注度上升最多首5隻港股，依次為中銀香港、小米集團、中國石油股份、碧桂園、中國石油化工股份。
中銀喺長假期前公布嘅亮麗業績，刺激股價裂口急升，今朝最多升近9%至22.8元嘅逾半年高位。集團去年多賺26%，末期息亦大增25%至每股1.145元，大行高盛更隨即上調中銀今年盈利及股息預測。
富途證券高級策略師譚智樂就認為，本地銀行現階段仍受經濟轉差等負面因素困擾，預期中銀今年嘅凈息差表現好難如去年跑贏同業。不過，佢指出，本地銀行股嘅估值已跌至極低水平，日前公布嘅業績改變咗市場對行業前景過分悲觀嘅睇法，繼而出現估值修正。
Arnold續指，本地銀行股仍有穩健嘅派息能力，資本負債比率相對較低，一級資本充足比率(CET1)遠高於監管要求，相信經濟下行對銀行嘅衝擊有限，如果有貨可以繼續揸住收息。
