抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為友邦保險、比亞迪股份、美團、騰訊控股及吉利汽車。
友邦今朝出咗業績，純利按年大幅倒退96%，新業務價值又跌8%，不過，全年派息增加5%。
摩根士丹利指，友邦新業務價值勝預期，去年下半年5個主要市場嘅新業務表現唔錯，其中馬來西亞、泰國都錄得雙位數增長。大華繼顯執行董事梁偉源認同大摩睇法，指雖然純利倒退幅度嚇人，但新業務價值增長理想，相信內地經濟重啟及跟本港通關後，香港業務會迎來大反彈。
友邦股價績後受壓，上晝不斷刷新日內低位，一度挫逾4.5%，低見81.65元，半日收報82.05元。
Steven認為，股份只係跟隨大市向下，投資者可以趁回調吸納，但佢提醒，入貨前要考慮美國加息可能不利友邦盈利增長，因為息口愈高，公司就要推出更高回報率嘅保險產品，先可以吸引到客人投保，加上公司投資唔少債券，債息急升意味債價會跌，影響投資收益。
