【Now新聞台】截至早上11時止，1小時內《彭博》用戶關注度上升最多港股，依次為中國移動、騰訊控股、比亞迪股份、金沙中國、友邦保險。
市場憧憬數碼基建有望成為今年內地重大基建發展重點，內地日前召開2023中國互聯網發展座談會，話要大搞5G、6G及人工智能等，今日資金熱炒中資電訊版塊，中移動衝上3年半高位，後市可唔可以延續呢個強勢？
富昌證券聯席董事譚朗蔚認為，行業發展人工智能嘅消息，為中資電訊股帶嚟短線剌激，但更吸引投資者嘅係呢個板塊防守性高，又派高息。佢又話，中國電信A股今日曾升9%，十分誇張，相信同公司指關注產業版ChatGPT有關，但他坦言對呢個概念麻麻地，因為技術比較早熟，依家講收益、盈利貢獻言之尚早，不過，呢啲新概念肯定會增加板塊嘅波動性，對電訊股穩陣嘅賣點有影響。
Stevan又認為，中資電訊股短炒可取，長線收息就要揀返現金充裕嘅龍頭中移動。
