抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時，1小時內《彭博》用戶關注度上升最多嘅港股依次為雅居樂集團、融創中國、合景泰富集團、中國銀行及小米集團。
雅居樂連續2日居榜首，比上日配股「抽水」嘅碧桂園搜尋量更多，相信市場已經估到雅居樂會接力抽水。
上日碧桂園股價先低後高，守得住配股價，但雅居樂今朝宣布配股後就低開11%，其後跌勢加劇，更失守配股價2.68元，半日挫21%，報2.57元。
獨立股評人譚智樂認為，碧桂園配股消息可能被投資者解讀為資金對集團前景有信心，配合埋上日大升市嘅正面氣氛，令股價得以靠穩，但當接續有內房企業跟機，就會令市場憂慮抽水潮出現。佢補充，過去1年唔少內房企業「抽水」後，仍然消除唔到違約風險。
Arnold又話，現時內房板塊尚有唔少不明朗因素，短線股價波動好正常，亦有機會面對股份因為財務問題而停牌嘅風險，建議介意短線波動嘅投資者可趁早喺跌穿配股價時沽貨。
