抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為友邦保險、華南城、聯想集團、金沙中國及洛陽鉬業。
友邦股價今朝一度挫近5%，低見79元，是跌幅第2大藍籌，亦係跌市元兇之一。集團將會喺8月25日開市前出上半年業績，友邦自3月公布業績至今，已進行逾80次回購，而出業績前1個月，須停止回購，到時股價會唔會更膠著？
椽盛資本投資總監曾永堅指，市場對友邦有兩個關注點，首先係內地經濟活動受疫情影響仍未恢復，年內通關嘅機會愈來愈渺茫，導致友邦股價短期受壓。另一方面，雖然聯儲局月底議息時，好大機會加息0.75厘，但美國經濟陷入衰退嘅機會有增無減，而長債孳息率又冇乜上升動力，一定利淡友邦呢類金融股嘅估值，Jasper估計，當呢兩個因素未有明確方向時，友邦股價仍有反覆下行壓力。
