【Now新聞台】截至早上11時，1小時内《彭博》用戶關注度上升最多的港股依次為信達生物、國泰航空、中國海外發展、龍湖集團及華潤置地。
今日信達生物股價衝高回落，曾倒跌5%。上日下午內地傳出PD-1癌抑制劑醫保價格定咗，信達生物係3至4萬人民幣，降幅比預期溫和，點分析PD-1醫保談判價格傳聞對信達生物，以及國產PD-1股嘅影響？
英皇證券銷售部副總裁林建華指，以消息面嚟睇，降低預期減價幅度對信達有好大幫助，因為股價有頗大升幅，但今日消息消化後股價就降返落嚟。除咗信達，其他關於腫瘤科、免疫系統嘅藥品相關股都跟住回落，唔係板塊有乜問題，而係資金輪住流入一啲股票，炒完一浸之後又回落返。
