【Now新聞台】截至早上11時，1小時內《彭博》用戶關注度上升最多的港股，依次為中國電信、龍湖集團、中國移動、碧桂園及吉利汽車。
隨著中電信「回A」，集團亦調整派股政策，會喺「回A」後3年內，將派息比率調高至70%，同埋明年起派中期息。中電信股價今日大升係咪因爲呢啲消息？
圓通環球金融集團行政總裁曾永堅指，依家投資者愈嚟愈審慎，主要吼既有增長潛力又穩陣，同埋派息唔錯嘅產品，佢又話，中電信係三大中資電訊股中最有潛力，新政策出台後，預期股息率將會由5厘，升到介乎6厘至7厘，今日股價逆市炒上，反映市場對呢個消息反應正面，亦對集團前景樂觀。
