【Now新聞台】截至早上11點止，《彭博》Top Search No.1為世茂房地產，第2至第5位為合景泰富、旭輝控股、時代中國及中銀香港。
世茂房地產上月公布分拆物管嘅消息，但至今仍未有詳情，股價喺消息公布後未見起色，去到五月中先有上升情況。今日股價更一度高見34.75元，創52周新高，市場係咪仲憧憬緊公司喺分拆物管上有好消息？
安山資本資產管理部董事黃志陽指，現時物管股普遍估值高達40至50倍嘅市盈率(PE)，但普遍內房股PE都只得10倍，若果世茂成功分拆物管業務，自然有助釋放公司價值，加上世茂銷售平穩，今日仲俾大和睇好佢係其中一隻表現較好嘅內房股，自然惹市場關注....
