【Now新聞台】截至早上11點止，《彭博》Top Search No.1為舜宇光學，第2至5位分別為高鑫零售、佳兆業集團、長實集團及小米集團。
舜宇上月公布，手機鏡頭按年及按月出貨量都要跌，車載鏡頭按月更跌超過51%，但手機鏡頭模組維持超過一成增長。雖然大和話總計今年以來出貨量表現整體已較預期好，但股價現時係咪仲有力升穿條100天線?
圓通環球金融集團行政總裁曾永堅指，雖然有大行睇手機設備股前景不明朗，但其實市場現時係炒緊復甦，買緊股份個憧憬。即使基本面，舜宇市盈率去到30幾倍，數據亦顯示到毛利較少嘅產品，增長反而較好。正如之前講過，現時市場只係炒緊個復甦，技術上要升穿條100天線，即124元，Jasper覺得仍然有一定阻力。
