【Now新聞台】截至早上11時止，《彭博》系統Top Search No.1為華潤啤酒、澳優、蒙牛乳業、中國平安、中國石油股份。
內地發改委今朝開記者會，提到物價喺未來一段時間都會保持平穩，又話會密切留意民生商品價格變化。
騰祺基金管理投資管理董事沈慶洪指，早前公布嘅內地居民消費價格指數(CPI)增幅達2.8%，主要係豬肉價格受非洲豬瘟疫情影響而上升，如果剔除呢個因素，通脹其實唔算高。
Patrick認為，工業生產者出廠價格指數(PPI)錄得負增長，即使原材料價格較低，消費層面亦冇條件推高通脹，佢估計，內地有機會出手谷消費。
