【Now新聞台】截至早上11時止，《彭博》系統Top search No.1為長江基建集團，其次是中國鋁業、香港中華煤氣、領展房產基金及佳兆業集團。
有分析指，中美貿易戰已經由經濟事件變成政治事件，可能要喺6月底在日本舉行嘅G20峰會先有轉機，因為中美元首將會會面。大摩話，去年初開始，每當中美貿易戰發生大事件，中美股市預測市盈率(PE)就會向下，而今次嘅股市PE調整，可能先啱啱開始。
此外，唔少分析話，中央可以用人仔貶值應對貿易戰，參考滙證嘅報告，喺人仔貶值下，最受惠係電訊、能源、金融同公用行業，地產同IT就最受拖累。
