【Now新聞台】華爾街股市高收，其中標普五百指數和納斯達克指數齊創紀錄收市新高，主要因為美國首季經濟增長遠好過市場預期。
道瓊斯指數收市升81點，報26543點。標普五百指數收市升13點，報2939點。2個指數都是結束2天跌勢。
英特爾和埃克森美孚2大企業業績令市場失望，股價顯著下挫，大市早段受壓。不過，美國首季經濟增長遠好過市場預期，支持大市中後段回升，3大指數以接近或全日高位收市。
道指低開，早段跌過最多69點，中段回穩，臨收市前升幅擴大，並以接近全日高位收市。
英特爾上季盈利倒退一成一，並調低全年盈利預測，股價跌百分之9。埃克森美孚首季盈利23億5千萬美元，按年倒退近五成，業績差過市場預期，股價跌大約百分之2。這2隻股份是跌幅首2大道指成分股。
亞馬遜上季盈利升近1.2倍，好過市場預期。股價升逾百分之2，福特汽車季度業績亦都理想，股價升近一成一。
納斯達克指數連升第2天，與標普五百指數齊創紀錄收市新高，收報8146點，升27點。
總結本周，道指未能承接上周升勢，微跌百分之0.06。標普五百就扭轉上周跌勢，升百分之1.2。納指則連升5周，全周升百分之1.85。
