【Now新聞台】上年特首林鄭月娥推出六招調控樓市，當中針對私樓嘅「一手樓空置稅」最快今年6月落實，希望盡快釋出供應。據差餉物業估價署最新數據顯示，截至2018年年底一共有51430個空置單位，最新空置率攀升至六年高位。不過，細心啲睇差估署對「空置單位」嘅定義，就會發現署方好有可能將一手樓空置問題大幅發水。
另一方面，發展商亦有三個或者可以迴避一手樓空置稅嘅方法，包括延遲攞「入伙紙」、將物業轉售畀子公司，以及賣樓畀自己人，然後做出撻訂假象，所以措施最終有冇成效，都要視乎政府有冇決心去堵截所有可預視嘅灰色地帶。
