【Now新聞台】截至早上11時止，《彭博》系統Top Search No.1是新濠國際發展，第2至第5位分別為雅居樂集團、ASM太平洋、中銀香港及藥明生物。
港股噚日大冧後，雖然今朝反彈，但就冇乜力水，今日有隻股份表現好受關注，就係藥明，因為大股東折讓減持套現，但股價今日好硬淨，計埋今次，大股東今年已經三度減持，但股價仍然係咁升。
Now財經台評論員趙善真話，藥明股價今日咁硬淨，真係好少有，係咪同騰訊控股一樣，即係馬化騰愈減持，股價就愈升？當時市傳騰訊係明益基金，但睇返藥明規模就唔可能，但個市今日咁閃縮，藥明開市跌一跌之後，仲可以倒升咗一陣，真係好厲害，至於藥明後市...
