【Now新聞台】截至早上11時止，《彭博》系統Top Search No.1是阿里健康，第2至第5位分別為中國旺旺、碧桂園、萬科企業及長實集團。
阿里健康用106億人民幣向大股東阿里巴巴，收購天貓醫療器械同保健用品等業務，會發行超過18億股支付，每股作價5.8元，比上日收市價折讓超過14%。阿里健康股價今日一度急升11%。
Now財經台評論員趙善真指，今次交易令阿里健康即時有利潤，又提升到市盈率(PE)。即使可能有攤薄效應，阿里巴巴股東都未必會出聲，因為佢地有股份收，而股價已經炒上，不過，即使股東有異議都冇用，因為同股不同權。
