【now.com生活】大家都知道母親節當日是星期日，最佳節目當然是同媽媽去飲茶！茶葉品牌Tea WG最近推出母親節期間限定的下午茶及晚餐，有靚茶飲又有多款美點，同媽媽來個「茶之盛宴」，答謝母親！
今次期間限定，Tea WG挑選了不同茶品融入於美食佳餚中，配對出完美的味道！先講晚餐方面，頭盤有烘培火腿芝士三文治配火箭菜沙律，主菜的3款選擇更款款用上不同茶品入饌，包括加入法式伯爵茶的龍蝦湯意大利闊條麵伴泰國蘆筍和義大利青瓜、焗海鱸魚柳伴煙腩肉、豆蓉及韭蔥，加入以翡翠龍井製成的高湯、烤和牛腹肉伴白蘿蔔泥、花椰菜及茶樹菇，搭配注入秘製普洱的牛肉醬汁，最後更有甜品及餐茶配上。
除了晚餐精選外，下午茶精選更可讓你與媽媽嘗試一下英式「Elegant」休閒下午茶。同樣以茗茶入饌，一系列的精緻美食用英式下午茶的點心架奉上，美食方面有以三文魚為主的三文治拼盤、香脆春捲配慢煮牛小排、輕煎蝦仁伴牛油果醬等等，份外矜貴，感覺相當寫意，同媽媽影相打卡最啱！
母親節晚餐將於本月10至14日於各Tea WG 沙龍供應，而下午茶精選則只限14日當日。
茶葉品牌Tea WG母親節推出期間限定的下午茶Tea Set及晚餐，以茶入饌，圖中的焗海鱸魚柳，更配上以翡翠龍井製成的高湯。
晚餐主菜又有烤和牛選擇！
當然不少得甜品及茗茶！
除了晚餐之外，更有下午茶選擇，以英式點心架形成，同媽媽做英式貴族High Tea！
